KSA Tygerbergstreek

Stigtersdatum op 6 Maart 1982

Tygerbergstreek ontvang Streekstatus by die 17^de Konvensie wat gehou was te Bloemfontein.  Die eerste saamtrek was op Ou Skip, Melkbosstrand, onder die voorsitterskap van Tracey de Villiers en volgens die rekords, het 30 woonwaens hier saam getrek, om hierdie geleentheid te vier met 'n spitbraai en 'n dans.

VOORSITTERS

1982 - 1984    Tracey de Villiers

1984 - 1986    Frank Harrison

1986 - 1988    Debbie de Klerk

1988 - 1989    Anton Lotz

1989 - 1990    Johan van Wyk

1990 - 1992    Henry Fouché

1992 - 1996    Tony Freedman

1996 - 1999    George Tubb

1999 - 2001    Hendrik Olivier

2001 - 2004    Leon Minnie

2004 - 2008    Riaan van Zyl (Verkies tot Nasionale Uitvoerende Komiteelid: Wes Kaap)

2008 - 2010    Nico Alberts

2010 - Tans    Hannes Mundey

Riaan van Zyl was voorsitter van Tygerbergstreek vir die langste tydperk gewees nadat hy ook vir 'n jaar as ondervoorsitter gedien het.  Riaan is met die aanvang van sy 5^de jaar as voorsitter tot Nasionale Uitvoerende Komitee verkies.  Volgens die KSA se grondwet kan 'n Nasionale Uitvoerende Komiteelid nie op 'n streekskomitee, anders as om op 'n sub-komitee, dien nie.  Dit het tot gevolg gehad dat die Tygerbergstreek se komitee, komiteelede moes herverkies tot portefeuljes.

Op die 8^ste Maart 2003 is die 21^ste bestaansjaar gevier met 'n dans in die Brackenfell Burgersentrum.

Tygerbergstreek se  21^ste verjaarsdag saamtrek is gehou op Paasnaweek van die 18^de tot die 21^ste April 2003 by Van Zylsrus te Kuilsrivier.  'n Totaal van 47 woonwaens het hierdie saamtrek bygewoon.  Die Vrydagaand het ons gevier met 'n 'kaas-en-wyn' funksie en die Saterdagoggend met 'n 'koek-en-tee' partytjie.  Die 21^ste verjaarsdagkoek is deur Leon Minnie, gesny en vier van die streek se vorige voorsitters wat die geleentheid bygewoon.  Die voorsitters wat die geleentheid bygewoon het is: Henry Fouché, Tony Freedman, George Tubb en Hendrik Olivier.  Een van die langste opbetaalde KSA lede, Johan & Dalene van der Vyver (reeds vanaf 1978), het ook die funksie bygewoon.

Tygerbergstreek het gedurende 17 & 18 Maart 2007 se saamtrek op Saldanha hulle 25^ste verjaarsdag gevier.  Met groot dankie aan die borge het die feesvieringe gepaart gegaan met 'n pragtige opskrif in Die Burger van 17 Maart 2007.  (Om die koerantberig te lees, kliek hier...)  Die feesvieringe het afgeskop met 'n skaap- en varkbraai die Saterdagaand waarna groot makietie gehou was.  Tygerbergers het hierdie besondere mylpaal behoorlik gevier met 'n dans en karaoke na die ete.

Vir Meer Inligting Kontak:

KSA Tygerbergstreek
P.O. Box 1797, Brackenfell, 7560.
Tel: 021 981 5821
Faks: 086 656 3345
E-Pos: tygerberg@caravanclub.org.za

[ Up ]

Stuur e-pos aan Tygerbergstreek Webmeester  met enige vrae of kommentaar ten opsigte van hierdie webtuiste.
Kopiereg © 2004 KSA Tygerbergstreek
Laaste wysiging: July 25, 2010